幾時會有妊娠紋？
妊娠紋原來不一定只限懷孕婦女，以下情況都有機會導致妊娠紋：
- 青春期時出現既快速增高
- 懷孕
- 急速的體重上升或下降
- 為快速增肌而常做負重運動
- 在皮膚上長期使用皮質類固醇
- 患有庫欣氏症或馬凡氏症
妊娠紋症狀
當妊娠紋初出現時，往往呈紅色、紫色、粉紅色、紅棕色或深棕色（具體取決於您的膚色）。妊娠紋初起時亦可能會凸起和痕癢。
當時間耐左，妊娠紋顏色會變淡同沉入皮膚下面，摸落去會有輕微既凹陷。
出現左仲有冇得救？
妊娠紋呢種疤痕出現左其實返唔到轉頭，不過可以透過日常護理去令佢地冇咁明顯
原來要減輕妊娠紋要好好把握初起時既黃金時間，無論你既妊娠紋係因為懷孕定係其他原因而致，都可以係呢段黃金時間去令佢地無咁明顯，愈遲就會愈難救！
單單一支保濕水已經可以幫到手，研究發現使用透明質酸成份有助減輕妊娠紋既明顯度，而係妊娠紋上面連續幾星期每日溫柔咁按摩到吸收，效果仲會更好！
另外，我會懷孕期間已經開始用妊娠紋膏，幫助KEEP住皮膚一路保濕嘅狀態、減低拉扯時皮膚因為乾燥崩緊而裂開
孕婦護理 推薦
預防勝於治療
就算係有遺傳因子都好，妊娠紋都有可能預防或者減少形成！
為左減少懷孕期間皮膚組織既破裂，以下係我用過既預防方法：
1.控制懷孕期間體重增長
其實懷孕期間係唔需要食兩個人既份量架！就算係第二同第三trimester(即13周到40 周），都只係需要比平日多3-4百幾卡路里，一星期增1-2 磅bb 就可以健康成長。食得太多反而肥晒係媽媽度，搞到條腰既脂肪增得快同時妊娠紋出現機會大增。所以唔想出妊娠紋又想陀b陀得fit, 就要控制住食量同體重增長啦！
2.不停為皮膚保濕
我既方法係保濕水加妊娠紋cream，保濕水入面既透明質酸可以幫助增加皮膚彈性，而妊娠紋cream 入面既peptides 就重點幫助修復受損皮膚，每日兩者一齊使用2-3 次，幫助減少皮膚組織撕裂。
3.洗澡後按摩肚皮
每日沖涼之後，我都會係保濕既時候順道幫肚皮按摩，一來等保濕用品吸收得好啲，二來仲可以促進血液循環，對BB同腸道蠕動都好好。
4.健康飲食
係飲食上我會確保飲水量足夠，另外仲會額外加入多啲透明質酸同維生素C豐富既食物，例如大豆、綠葉蔬菜、橙、木瓜、西蘭花等，讓身體製造多啲骨膠原，令皮膚彈性更好
5.懷孕期間維持適量運動
喺醫生許可嘅情況下，我每日都會做孕婦安全既帶氧運動，除左可以減少過多體重增長，仲可以令血液循環好啲，皮膚彈性會好啲之餘，懷孕既不適感都會少好多！
好好彩，就算4年連續生左3個加上遺傳既不利因素之下，我既肚皮暫時都維持到無妊娠紋既出現，希望我既分享同樣都可以幫到你啦
