preloder

有感而發文-終於有第一間餐廳肯為敏感同蠶豆症人士踏出第一步

感覺開心真係難以用筆墨形容-亦感受到香港人既互相幫助同尊重!

***「大福餅、低糖益力多」除外

電子優惠券會隨電郵發送! 埋單時出示比條碼收銀同事就得喇!

由即日起透過我地網站訂購滿$500即請你享用翠華冰廳蠶豆症低敏兒童餐乙個-地址:荃灣廣場3樓343-345號舖
另外凡到翠華冰廳享用蠶豆症低敏兒童餐即送你 (翠華冰廳限量版AMOFIA-醫生專用配方-舒敏套裝乙套)*以上優惠/禮物有限送完即止

做左媽媽三年半,心情的確係從未試過咁多既波動,仲記得由出世無幾耐皮膚愈黎愈爛開始,除左唔開心之外,仲有好大既挫敗感。開頭發現每次係飲完人奶之後皮膚特別紅,係睇左好多篇文章之後先知原來係我食既野搞到佢咁,果種內疚程度簡直係難以形容,一向貪食既自己唯有為左女女唔再出街食野,或者一定要應酬時就叫碗白飯同青菜俾自己,而屋企都只係得最簡單既食材,然後就逐樣逐樣試新野食,就咁維持左個月,先大約搵到佢對咩食物敏感。

係佢6-18個月大期間都算易過,食野方面只要係屋企準備好俾佢就無問題,但係到18個月大開始,佢開始想同我地食一樣既食物,係屋企都可以全家人一齊同佢食低敏餐,但係出到街就真係無野食到,所以每次出街都要帶定佢食得既野,見到佢每次好想試我地既食物但係又因為敏感唔食得,次次都眼濕濕咁望住我地,做媽媽又點會唔心痛呢。每次帶佢去其他小朋友生日會時,係每個小朋友都好開心咁食緊蛋糕時,蛋奶敏感既佢都會摟住我係度喊...

<----冇得食, 摟住嫲嫲喊

做左敏感兒既媽媽之後先明白到,係香港對於敏感人士既支持真係唔多,好多時睇名以為女女唔會敏感既食物,到佢食完過敏之後問番餐廳先知原來為左味道或者賣相加左其他個名上無講既食材。而相信呢個情況應唔淨係出現係我地屋企,係其他患有食物過敏既家庭可能都有相同或者更令人心痛既經歷。

亦係因為做左媽媽之後經歷過呢既心酸同心痛,所以係過去一年我地一有時間就逐間餐廳叩門,同佢地講解食物敏感、蠶豆症同埋希望佢地可以為有食物敏感同蠶豆症既人做多一點。失敗左好多次之後,終於有第一間餐廳肯為呢班人踏出第一步,亦感受到香港人既互相幫助同尊重!呢種開心真係難以用筆墨形容,亦係因為咁打左呢篇有感而發既文章!!!

膽粗粗第一次送FLOWERBOX+自己公司禮物代替花籃! 成日都覺得叼咁大個花籃送完又要掉好浪費, 不如試下送啲可以派比人用既小禮物!

發佈留言

Close Menu
×

Hello!

Click one of our representatives below to chat on WhatsApp or send us an email to info@amofia.com

請選擇以下其一個位WhatsApp客服或發電郵給我們: info@amofia.com

× CS
×
×

Cart